Gjurmët e gishtave në “Audin” e blinduar dhe qelizat telefonike pranë vendit ku u godit makina e policisë në Elbasan, tradhtojnë Enea Bekteshin. Ai u arrestua një ditë më parë pas një aksioni të policisë në Cërrik ku u gjet në banesën e kunatit të tij.
Sipas grupit hetimor, Enea Bekteshi, shoku i Sokol Sanxhaktarit, dhëndri i kryebashkiakut të Elbasanit, Qazim Sejdini, ka qenë drejtuesi i mjetit të blinduar i cili goditi makinën e zv/drejtorit të policisë së Elbasanit, Gjergji Oshafi.
Burime për Shqiptarja.com thanë për Shqiptarja.com se në “Audin” e blinduar janë gjetur gjurmët e gishtave të Bekteshit. Gjithashtu, një tjetër provë kundër të arrestuarit janë edhe qelizat telefonike nga të cilat rezulton se Bekteshi ka qenë në vendin ku ndodhi përplasja, pranë tregut agro-ushqimor të Elbasanit. Të njëjtat burime bëjnë të ditur gjithashtu se Bekteshi nuk ka pranuar të flasë përpara prokurorëve pa pranë e avokatit.
Ndërkohë vijon të jetë në kërkim Suel Çela, djali i biznesmenit Petrit Çela, në pronësi të të cilit është “Audi” i blinduar, si bashkëpunëtor në këtë ngjarje.
ma.me
