Ambasadori i Bashkimit Europian në Shqipëri Luigi Soreca ka reaguar në “Twitter” në lidhje me grafitet dhe veprimet e tjera të kryera në apartamentin ku jeton ambasadori i BE në Tiranë Bernd Borchardt.
“E dënojmë me gjithë zemër frikësimin që i është bërë ambasadorit të OSBE në Tiranë Bernd Borchardt. Dënojmë grafitet dhe të gjitha mënyrat e tjera që janë përdorur kundër tij, kundër autoritetit të tij zyrtar. Nuk ka vend për veprime të tilla në një demokraci moderne”, shkruan Soreca.
Disa protestues të opozitës së bashkuar kanë shkruar grafite, ndërsa veprimi u cilësua edhe si një sulm, ndaj ambasadorit të OSBE. Një ditë më pas, policia mori në mbrojtje Borchardt.
