Belgjika ka ndaluar dy të dyshuar të tjerë në lidhje me sulmet e muajit të kaluar në Paris, duke e çuar në tetë vetë numrin e personave të akuzuar për sulmet.
Zyra e prokurorit federal tha sot se një 20vjeçar me shtetësi franceze i identifikuar si Samir Z. është ndaluar për t’u marrë në pyetje në aeroportin e Brukselit të dielën kur po hipte në avion për në Marok. I dyshuari tjetër, një 28vjeçar belg i identifikuar si Pierre N. u arrestua të dielën gjatë një bastisjeje në shtëpinë e tij në lagjen Molenbeek të Brukselit.
Disa nga autorët e sulmit të Parisit ishin banorë të Molenbeekut. Të dy të dyshuarit dolën sot para gjykatësit ku iu komunikuan zyrtarisht akuzat për aktivitet në një organizatë terroriste, thanë prokurorët.
