Disa mijëra njerëz kanë demonstruar në Lajpcig të Gjermanisë për shkak të fluksit rekord të refugjatëve, duke akuzuar kështu kancelaren Angela Merkel për “shkatërrimin e vendit”.
“Ne jemi populli. Rrezistencë. Dëboni!”, ishin disa nga brohoritjet gjatë protestës së organizuar nga ‘Legida’, dega lokale e grupit Pegida (Evropianët patriotë kundër islamizimit të Perëndimit).
Protesta është organizuar pasi është zbuluar se në natën e ndërrimit të moteve janë kryer shumë sulme seksuale, përdhunime dhe grabitje ndaj grave në disa qytete të mëdha të Gjermanisë, ku autorët e krimeve ishin kryesisht burra të ardhur nga Afrika e Jugut.
Në një nga pankartat shkruante se “refugjatët nuk janë të mirëpritur”, por aty janë shfaqur edhe siluetat e tre burrave të armatosur me thika duke ndjekur gratë.
