Gjermania ka njoftuar se ka ndërmarrë një sërë masash për ta bërë më të lehtë largimin e kriminelëve të huaj dhe për t’u hequr abuzuesve statusin e refugjatit. Vendimi është marrë pas ngjarjeve të fundit ku më shumë se 500 femra janë abuzuar gjatë Vitit të Ri nga refugjatët, kryesish nga emigrantë me origjinë arabe edhe ata nga Afrika e Veriut.
Duke folur disa ditë pas fjalimit të kancelares Angela Merkel, ministri i Drejtësisë Heiko Maas tha se askush nuk mund të dalë mbi ligjin. Ai tha se sinjale të qarta janë dërguar për shkelësit. Më tej shtoi se reformat e qeverisë kanë në thelb lehtësimin e procedurave për ekstradimin e kriminelëve të huaj dhe t’u heqë statusin e refugjatit atyre që kanë kryer krime.
