Vetë lideri i ISIS AlBaghdadi, i vetshpallur Khalif, ka dhënë urdhër për të sulmuar vendet e përfshira në koalicionin kundër ISIS. Mediat bëjnë të ditur se AlBaghdadi ka kërkuar të kryen sulme me bomba, ekzekutime dhe pengmarrje.
Një ditë përpara ngjarjeve të Parisit, shërbimet sekrete të Irakut kishin paralajmëruar autoritetet franceze për rrezikun e sulmeve të mundshme terroriste.
Sipas inteligjencës irakene, sulmi në Paris u përgatit në Raqqa, në Siri. Grupi përbëhej nga 24 terroristë, 19 të përfshirë në sulme, dhe 5 të tjerët u morën me detyrat logjistike.
Ndërkohë Turqia, duket se ka shmangur një sulm terrorist, i parashikuar për të premten e kaluar, në të njëjtën ditë kur u kryen sulmet në Paris. Autoritetet turke dyshojnë se xhihadisti Aine Lesley Davis, që u ndalua të premten në Stamboll, synonte të kryente një sulm të ngjashëm me ato në Paris, në një stacion treni në Turqi.
Ndërkohë zyrtarët amerikane bëjnë të ditur se ISIS ka krijuar një njësi të veçantë që merret ekskluzivisht me planifikimin dhe realizimin sulmeve në vendet e Europës perëndimore dhe Shtetet e Bashkuara të Amerikës.
