Ambasada amerikane në Tiranë, nëpërmjet një njoftimi për mediat, bëri me dije se këtë javë, programi i Ndihmës për Antiterrorin (ATA) dhe Ambasada e SHBA në Tiranë përfunduan një sërë takimesh dhe seancash monitorimi me forcat e rendit shqiptare.
Lufta kundër terrorizmit vazhdon të jetë një përparësi në bashkëpunimin midis Policisë së Shtetit, ambasadës amerikane në Tiranë, si dhe institucioneve ligj-zbatuese amerikane.
“Këtë javë, programi i Ndihmës për Antiterrorin (ATA) dhe Ambasada e SHBA në Tiranë përfunduan një sërë takimesh dhe seancash monitorimi me forcat e rendit shqiptar. Gjatë shtatë viteve të fundit, ambasada, përmes ATA, ka ofruar rreth 10 milionë dollarë trajnime dhe pajisje për partnerët tanë për Policinë e Shtetit.
Jemi krenarë të dëshmojmë përkushtimin e partnerëve tanë në Policinë e Shtetit, duke reflektuar bashkëpunimin ndër vite për të rritur sigurinë në Shqipëri. Këto sesione, të cilat përfshinin diskutime me drejtuesit e Policisë së Shtetit dhe takime të fokusuara me mbi 20 oficerë të antiterrorit, si dhe 15 të tjerë nga mjekësia ligjore digjitale në SPAK dhe Policia e Shtetit ndanë mendime të vlefshme për kontributet e ATA-së. Ne fituam njohuri për vlerën e trajnimeve, rëndësinë e tyre operacionale dhe integrimin e tyre në kurrikulën e policisë. Historitë e suksesit vunë në dukje përmirësimet e rëndësishme të aftësive në antiterror dhe mbrojtjen kibernetike.
Urime të gjithë të përfshirëve; presim arritje të vazhdueshme dhe rezultate”, thuhet në njoftimin e ambasadës amerikane në Tiranë.
Rrofshin SHBA,qe po na ndihmojne te largoje mashtruesit,hajdutet e vrasesit 34 vjecare.Per ne si popull do ishte akoma dull krimineli.dulla na la nji fare te ndyre,pjedhen e tije bastarde,po te mose te na ndihmoje SHBA.Ne jemi frikacake e servil,shitemi per nji thes miell,dhe kta vrases zdo largoheshin edhe 45 vjet tjera.