Në moshën 29-vjeçare Mesut Ozil tërhiqet nga kombëtarja gjermane. Kampioni i botës me pancerat në 2014-ën në Brazil, nuk ka pranuar më kritikat dhe ofendimet e shumtë që kanë mbrritur në adresë të tij për paraqitjen e dobët në Botërorin rus dhe për këtë arsye mesfushori i Arsenalit ka vendosur t’i japë lamtumirën përpara kohe ekipi përfaqësues.
Ozil i cili u bë objekt i irritimit të tifozovë gjermanë edhe për faktin se pak ditë para fillimit të Kupës së Botës sëbashku me Ilkay Gundogan pozoi me presidentin e Turqisë Rexhep Taip Erdogan, me një deklaratë në rrjetin e tij social në Tëitter komunikoi tërheqjen e tij nga Gjermania .
“Nuk do të luaj më për ekipin përfaqësues pasi në drejtimin tim ekziston një ndienjë racizmi dhe mungesë respekti”, shkruante ndër të tjera në letrën e tij të gjatë mesfushori i Arsenalit, Mesut Ozil.
Me Gjermaninë Ozil ka zhvilluar 92 ndeshje duke shënuar 23 gola, ndërsa ka fituar edhe një kampionat europian në 2009-ën me përfaqësuesen e 21-vjeçarëve./a.m.
