Ambasada e Shteteve të Bashkuara në Mal të Zi është sulmuar me granatë gjatë orëve të para të mëngjesit të sotëm.
Sipas raportimeve nga vendi fqinj, një person ka hedhur një granatë pranë hyrjes së ambasadës në Podgoricë por nga shpërthimi nuk raportohet për viktima në radhët e stafit.
Më pas autori i sulmit ka hedhur veten në erë duke shpërthyer një tjetër bombë. Policia ka nisur veprimet për sqarimin e plotë të ngjarjes. Nuk dihet ende nëse ngjarja lidhet me terrorizmin.
Ambasada në Podgoricë u ka bërë thirrje qytetarëve të qëndrojnë larg institucionit deri në një njoftim të dytë./a.m.
