Faqja zyrtare e Gazzeta dello Sport është hakëruar sot dhe për orë të tëra nuk ka qenë funksionale. Sipas një njoftimi të bërë publik nga vetë gazeta, faqja e saj është hakëruar nga hakera shqiptarë, pasi nga kontrolli që i është bërë faqes, rezulton se, sulmi kibernetik është realizuar nga AMAR^SHG – F. Q.
Ndërkohë, në mesazhin e publikuar nga hakerat është shkruar se, “Nëse do të ishte një botë e përsosur,në këtë shoqëri të drejtuar nga amerikanët nuk jemi të lirë, ndërkohë që flitet edhe për mënyrën e jetesës së imponuar dhe pamundësisë për të vendosur për të ardhmen.“Por nga armiku yt më i madh që quhet shoqëri” thuhet në mesazhin e publikuar nga grupi shqiptarë i hakerave.
Sipas të dhënave, i njëjti grup hakerësh ka sulmuar edhe faqen zyrtare të Corriere della Serra, por theksohet se është duke u punuar për zgjidhjen e problemeve. I njëjti grup hakerësh kanë sulmuar në muajin mars të këtij viti edhe faqen e Canal Plus ndërkohë që në muajin maj ai sulmoi edhe Meteo France.
ma.me
