Stuhia i bën gjëmën Gjakovës me 150 mijë euro

Dëmet e përgjithshme që janë shkaktuar nga stuhia në mes të datave 12 dhe 12 janar, vetëm në Gjakovë arrijnë vlerën materiale në 143,310 euro. Këtë e ka bërë me dije Besim Meqa, zyrtar në Drejtorinë për Mbrojtje dhe Shpëtim, në mbledhjen e drejtorëve të Komunës së Gjakovës që është mbajtur këtë javë. “Nga kjo shumë, dëme në infrastrukturën publike janë bërë në katër objekte, në vlerë prej 61,000 euro, ndërkaq dëme në biznese janë shkaktuar në tri objekte që arrijnë shumën e përgjithshme të dëmeve në vlerë prej 27,800 euro”, citohet të ketë thënë Meqa, në një komunikatë të Komunës së Gjakovës. “Sipas këtij raporti, dëme janë shkaktuar edhe në fushën e bujqësisë, konkretisht në sera, ku janë dëmtuar gjashtë objekte, në vlerë prej 26,170 euro. Ndërkohë, dëmet në objekte familjare ka pasur në njëmbëdhjetë objekteve në vlerë prej 28,340 euro”, thuhet në njoftim