Astronomët zbuluan informacione të reja rreth jetës në Mars që mund të jetë një ogur i mirë për miliarderin e teknologjisë dhe entuziastin e hapësirës, Elon Musk, i cili po planifikon t’i zbarkojë njerëzit në planetin e kuq.
Elon Musk ka ndërtuar raketën e tij Starship që, sipas tij, përfundimisht do t’i çojë njerëzit në Mars.
Sipas studiuesve, jeta në planetin e kuq ka qenë e pranishme miliona vjet më parë derisa uji – burimi kryesor i jetës – u zhduk. Ekipi i shkencëtarëve vlerësoi se sipërfaqja e Marsit – që dikur strehonte lumenj, liqene dhe oqeane – dukej si Toka në ditët e para të sistemit tonë diellor, sipas The Sunday Times.
Se si uji u zhduk nga planeti është një pyetje që shkencëtarët nuk kanë mundur t’i japin përgjigje.
Zbulimet e reja konfirmojnë mundësinë e jetesës në Mars
Studimi i tyre i botuar në revistën Geology zbuloi se uji ka qenë i pranishëm edhe në periudhën e vonë Hesperiane, duke sfiduar besimet për zhdukjen e ujit gjatë asaj periudhe rreth 2.9 miliardë vjet më parë.
Sipas Studiuesve të Kolegjit Imperial në Londër, kishte “shenja se uji ishte i bollshëm në kraterin Gale të Marsit, një pellg me diametër 92 milje në jug të ekuatorit, shumë kohë pasi planeti mendohej të ishte bërë i thatë dhe jomikpritës”.
Ekipi që menaxhon roverin Curiosity zbuloi gjithashtu shtresa të tilla që mund të ishin formuar vetëm nga uji./m.j
