Koronavirusi ndryshon shumë ngadalë dhe kjo e bën bashkëpunimin ndërkombëtar shumë më të lehtë për të zhvilluar ilaçe dhe vaksina, sipas analizës të të dhënave gjenetike të kryera në Itali, të cilat identifikuan tetë forma nga zona të ndryshme, të gjitha të ngjashme me atë origjinale kineze dhe asnjë më agresive se origjinalet.
Studimi u publiku në faqen e internetit të ”bioRxiv”, nga Instituti i Biomembranës, Bioenergjetikës dhe Bioteknologjisë Molekulare të Barit, i cili ka bashkëpunuar me universitetet e Barit dhe atë të Milanos.
Mbi 1 100 sekuenca gjenetike nga Kina, Amerika dhe Europa janë analizuar nga laboratori duke përdorur platformën ”Eoinxir bioinformatics” të filialit italian të infrastrukturës kërkimore për shkencat.
/a.r
