Disa preferojnë ta mbajnë në dorë, të tjerë brenda në çantë, si dhe në xhep, megjithatë mjekët rekomandojnë që të shmangni sa më shumë opsionin e fundit sidomos kur bëhet fjale për xhepin e pasmë. Sipas tyre, kuleta në xhepin e pasmë krijon një çrregullim të legenit dhe të ijëve.
“Kur uleni mbi kuletën tuaj krijon një asimetri dhe çrregullim që shtrembëron legenin dhe ijët”, ka thënë Dr. Arnie Angrist për Huffington Post.
Kjo mund të shkaktojë disa çrregullime në trup, përfshirë këtu dhimbje të përkohshme, axhitacion të nervit të pasmë që mund të shkaktojë parehati dhe mund të shkaktojë dhimbje edhe në këmbë.
“Madje edhe nëse drejtoni makinën për 30 minuta mund të shkaktojë dhimbje të madhe”, shprehet ai. Për këtë arsye preferohet që kuleta të vendoset në xhepin e përparmë.
