Duke nisur nga gjysma e parë e muajit maj të gjitha shtetet e Europës, duke filluar nga Italia, nisin lehtësimin e masave të marra kundër koronavirusit.
Por frika e mjekëve dhe shkencëtarëve është se rrezikohet një valë e dytë infektimesh.
Një hipotezë e cila nuk mund të injorohet dhe as nënvlerësohet. Kjo pasi me hapjet graduale të disa shteteve në Europë, ekziston rreziku që virusi të rinisë të qarkullojë vrullshëm, nëse nuk respektohen normat e sigurisë, duke nisur nga distanca sociale.
Britanikja ‘Telegraph’ raporton një studim të kryer në Francë nga instituti ‘Pasteur’, i cili flet për një alarm të përbashkët në të gjithë vendet e Europës por jo vetëm.
Vlerësohet se në Francë, rreth 6% e popullsisë do e ketë marrë koronavirusi, kur të vijë fundi i mbylljes, i parashikuar për në 11 maj.
Ka disa të dhëna që shqetësojnë mjekët dhe shkencëtarët francezë të cilët i druhen një vale të dytë infektimesh: Një përqindje kaq e ulët e popullsisë së imunizuar, rrezikon një përhapje të dytë.
Nga ana tjetër, shkalla e transmetimit nga një njeri tek tjetri, në sajë të masave të marra ka zbritur nga 3.3 që raportohej në 17 mars, në 0.5 në këtë fund prilli, një rënie drastike prej 84%.
/a.r
