Studentët e departamentit të Letërsisë i kanë kërkuar dekanatit dhe rektoratit që të shfuqizohet mënyra sesi ndahen grupet mësimore në leksionet e auditoreve, si dhe të pasurohet biblioteka e fakultetit nga 20-30 kopje të librave artistikë të detyruar.
Këta studentë shprehen se leksionet në kushtet aktuale nuk mund të zhvillohen më, ndërkohë që, theksojnë se 80% e librave artistikë për një lëndë të detyrueshme mungojnë, ose në rastin më të mirë gjenden 2-3 kopje.
Sot një grup i vogël studentësh nga Fakulteti i Shkencave të Natyrës, Inxhinierisë së Ndërtimit dhe Fakultetit të Arkitekturës dhe Urbanistikës, Historisë dhe Filologjisë, Mjekësisë dhe Shkencave Sociale kanë vijuar bojkotin mësimor në shenjë proteste, duke sfiduar kështu temperaturat e ulëta.Në solidarizim me ta janë bashkuar edhe një grup studentësh nga universiteti “Aleksandër Moisiu”, të degëve të biznesit dhe juridikut, të cilët nuk janë futur në klasa./a.meta
