Udhëzime teorike lidhur me atë sesi të mbrohet trashëgimia kulturore në 10 vjetët e ardhshëm, janë përmbledhur në draftin e asaj që është quajtur Strategji Kombëtare për Trashëgimi Kulturore 2015-2025.
E hartuar nga përfaqësues të disa institucioneve, një version i saj është publikuar në ueb-faqen zyrtare të Ministrisë së Kulturës, të Rinisë e të Sportit.
Me këtë MKRS-ja konsideron se e ka hedhur në diskutim publik këtë dokument i cili ka vite që përmendet si i domosdoshëm. Por ajo është hedhur menjëherë poshtë nga qarqe të ndryshme.
