Nga qyteti i Lezhës, ku dhe u zhvillua një aktivitet i organizuar nga Bashkia për 12 vjetorin e Lumturimit të Nënë Terezës, Kryetari i PD, Lulzim Basha tha se të gjithë duhet të bëhemi bashkë për mirën e Shqipërisë, e cila ndodhet në një situatë tepër të rënduar.
“Po të bëhemi prapë bashkë rreth të mirës do të dimë ti themi ndal të keqes që po na gërryen ditë për ditë në siguritë tona, mirëqenien tonë, në shëndetin tonë dhe të fëmijëve tanë.- tha Basha.
Basha theksoi se në ditën e lumturimit të Nënë Terezës cdokush duhet të reflektojë për të mbështetur njëri tjetrin.
“Nënë Tereza ishte një njeri me shpirt të madh, që sakrifikoi për të varfërit”- është shprehur Basha.
Në këtë aktivitet janë ekspozuar imazhe të jetës së Gonxhe Bojaxhi si dhe janë performuar këngë apo poezi në nder të figurës së saj.
