Në disa qytete të vendit qytetarët kanë ndezur qirinj në ambientet e Komisariateve, në shenjë proteste pas vdekjes së 31-vjeçarit, Ilvi Meta në Komisariatin e Kavajës.
Protesta e heshtur është thirrur nga Komisioni i Rithemelimit. Në të gjitha komisariatet e vendit dhe atë të Tiranës qytetarët kanë ndezur qirinj.
Po ashtu qirinj janë ndezur edhe tek Kryeministria.
Kujtojmë qe nje dite me parë Berisha tha se kërkon dorëheqjen e menjëhershme te ministrit Bledi Çuçi per kete ngjarje.
“Drejtori i policisë, heshti, sikur nuk ka ndodhur asgjë. Kjo është dhe më kriminale, kur në harkun kohor 5 javor dy të rinj vdiqën, u vdiqën në qelitë e komisariatit të Policisë ku duhet të ishim më të sigurt se në cdo vend tjetër.
Duke dënuar këtë qëndrim çnjerëzor të Edi Ramës, ministrit të tij familjar, Çuçi, drejtorit Nano, kërkoj dorëheqjen e menjëhershme të ministrit Çuçi.
Do i propozoj sot Komisionit të Rithemelimit që nesër, që në orën 8:00, pranë të gjithë komisariateve të Shqipërisë të ndizen qirinj në një protestë të heshtur paqësore “Stop vrasjeve në Komisariate”, tha Berisha.
