Sloane Stephens e ka mposhtur në finale Madison Keys, për të fituar titullin e parë të US Open në karrierën e saj.
Amerikania Stephens, e 83-ta në ranglistën botërore të tenisit për femra (WTA), ka arritur fitore 2-0 në sete, ndaj amerikanes tjetër Keys, 6-3 dhe 6-0, transmeton kp.
Pas fitimit të këtij titulli, 24 vjeçarja, e cila tashmë vonë është rikthyer nga lëndimi që pësoi në Wimbledon, vitin e kaluar, do të hyjë në ‘Top 20’, në ranglistën e WTA-së.
“Kisha një operacion në janar, dhe nëse atëherë, dikush do më thoshte se do ta fitoja US Open-in këtë vit, do thosha se është e pamundur”, është shprehur Stephens. (b.an)
