Kombëtarja e Francës duhet të përballet jo vetëm me temperaturat e larta, por edhe me lodhjen fizike nëse synon të fitojë trofeun e Kupën e Botës.
Skuadra e Didier Deschamps ka zhvilluar më shumë ndeshje se çdo kombëtare tjetër mes ekipeve kryesore, me gjithsej 1,341 ndeshje që arrijnë në 98,895 minuta lojë.
Mbrojtësi qendror i Crystal Palace, Maxence Lacroix, kryeson te lojtarët francezë për numrin e ndeshjeve si titullar (58) dhe minutat e luajtura (5.009), megjithëse 26-vjeçari pritet të ketë një rol më shumë si alternativë në kombëtaren e “Gjelave”.
Sulmuesi i Bayern Munich, Michael Olise, ish-lojtar i Crystal Palace, ka regjistruar më shumë paraqitje (65), por për shkak se ka hyrë nga stoli në 12 raste, renditet i dyti për minutat e luajtura (4.942).
Olise është një nga 11 lojtarët francez, që morën pjesë në Kupën e Botës për Klube. Edhe Portugalia kishte 11 përfaqësues, ndërsa vetëm Gjermania kishte më shumë, me 12 lojtarë aktivë në turneun e zhvilluar në Shtetet e Bashkuara verën e kaluar.
Në renditjen e kombëtareve, Portugalia vjen e dyta me 1.299 ndeshje dhe 96.405 minuta të luajtura.
Skuadra e Roberto Martinez do të ishte edhe më afër Francës në krye nëse Bruno Fernandes dhe Diogo Dalot do të kishin zhvilluar më shumë ndeshje me Manchester United. “Djajtë e Kuq” nuk arritën të kualifikoheshin në Evropë dhe luajtën vetëm një ndeshje si në FA Cup ashtu edhe në EFL Cup.
Mesfushori i Paris Saint-Germain, Vitinha, zhvilloi më shumë ndeshje se kushdo tjetër (66), duke arritur deri në finalen e Kupës së Botës për Klube dhe duke fituar Ligën e Kampionëve, sipas BBC.
Ndërkohë, Cristiano Ronaldo ishte titullar në të gjitha 44 ndeshjet që luajti për Al-Nassr dhe Portugalinë.
Anglia renditet e treta. Skuadra e Thomas Tuchel ka luajtur më shumë ndeshje se Portugalia (1.304), por ka më pak aktivizime si titullarë (1.051 kundrejt 1.092).
Ngarkesa fizike e Harry Kane mund të jetë shqetësuese, pasi kapiteni anglez, që muajin e ardhshëm mbush 33 vjeç, ka zhvilluar 63 ndeshje për Bayern Munich.
Morgan Rogers është lojtari më i aktivizuar i Anglisë, me 64 paraqitje dhe 5.037 minuta të luajtura për Aston Villa dhe kombëtaren.
Anglia ka gjithashtu numrin më të madh të lojtarëve me 50 ose më shumë ndeshje si titullarë (shtatë), e ndjekur nga Belgjika, Gjermania dhe Portugalia me nga gjashtë.
Për Gjermaninë, mbrojtësi i Bayern Munich, Jonathan Tah, ka luajtur më shumë minuta (4.923) se çdo lojtar tjetër në skuadrën e Julian Nagelsmann.
Me vetëm tre lojtarë që kanë nisur mbi 50 ndeshje si titullarë dhe me një skuadër që mund të përshtatet më mirë me temperaturat e larta, Brazili mund të konsiderohet një pretendent serioz.
Sulmuesi i Real Madrid, Vinicius Junior, ka regjistruar më shumë paraqitje (67), ndërsa mbrojtësi i Flamengos, Leo Pereira, ka kaluar më shumë kohë në fushë, me 5.559 minuta.
Argjentina do të synojë të mbrojë titullin e fituar në Katar dhe ka vetëm katër lojtarë me 50 ose më shumë ndeshje si titullarë.
Mes tyre është sulmuesi i Palmeiras, Jose Manuel Lopez, i cili ka zhvilluar plot 76 ndeshje, 59 prej tyre si titullar.
Lopez ka luajtur 5.174 minuta, pothuajse identike me 5.173 minutat e mesfushorit të Chelsea, Enzo Fernandez, i cili ka regjistruar 65 paraqitje.
Lionel Messi, i cili mbush 39 vjeç më vonë këtë muaj, hyn në turne pasi ka luajtur 51 ndeshje gjatë sezonit, vetëm tri prej tyre si zëvendësues.
Argjentina ka më pak minuta dhe aktivizime si titullarë në total sesa çdo kombëtare tjetër që konsiderohet favorite nga kompanitë e basteve.
Te Spanja, statistikat janë ndikuar nga dëmtimet e lojtarëve si Rodri i Manchester City dhe mesfushori i Barcelonës, Gavi.
Vetëm sulmuesi belg Romelu Lukaku, me nëntë ndeshje, ka më pak paraqitje këtë sezon sesa Gavi, i cili ka luajtur 14 ndeshje, mes 260 lojtarëve të analizuar.
Mesfushori i Arsenalit, Martin Zubimendi, kryeson te Spanja për numrin e ndeshjeve (63), ndërsa mbrojtësi i Chelsea, Marc Cucurella, ka më shumë minuta të luajtura (4.981).
Pas Spanjës, numri total i minutave bie ndjeshëm për Belgjikën, Holandën dhe Marokun. Megjithatë, të këto kombëtare kanë yje që renditen mes 10 lojtarëve me ngarkesën më të madhe të sezonit.
