Takimin në Durrës me simpatizantë dhe anëtarët e rinj të Partisë Socialiste kryeministri Edi Rama e ka nisur me një njoftim për pikëzimin e ri që ka bërë “Standard&Poor” për ekonominë shqiptare.
Sipas kompanisë prestigjoze, ekonomia shqiptare vlerësohet ngë B në B+.
Ky vlerësim i ri sipas kreut të mazhorancës është tregues se reformat e mazhorancës po e çojnë vendin në drejtimin e duhur.
“Agjencia Ndërkombëtare e Vlerësimit e ka rritur pikëzimin për ekonominë shqiptare nga B në B+. Vlerësimi i Standard & Poor është më seriozi. Nuk vlerësimi më i mirë, por është pozicionimi më i mirë që Shqipëria ka pasur dhe nuk thotë se ekonomia po lulëzon, por thotë se sot reformat e mëdha dhe puna e madhe që ne kemi bërë për ti çuar para këto reforma kanë vendosur një bazë. Dhe trupoi jashtëzakonisht i sëmurë i ekonomisë sonë, që ne na u besua për ta operuar dhe për ta kuruar para 2 vjetësh e gjysëm ka filluar të japi shenja ripërtëritjeje. Natyrisht duhet ende shumë punë që ky trup të fillojë të vrapojë, pasi bëhet fjalë për oeprimin e thellë përmes reformave të një kanceri që kishte kapur në cdo sektor organizmin e vendit tonë. Është e lehtë të thuhet, por është e vështirë të bëhet ajo që të gjithë themi se dëshirojmë. Sot ndryshe nga dy vite e gjysëm më parë ka shumë arsye për të besuar, se Shqipëria mund të bëhet vendi ku fëmijët tanë mund të rriten ashtu si në dëshirojmë”, tha kryeministri Rama.
Gjatë fjalës së mbajtur para simpatizantëve socialistë, kreu i mazhorancës i’u përgjigj edhe akuzave të opozitës për shëndetësinë. Ai deklaroi se sot pas 2 vitesh e gjysmë në pushtet, qeveria ka reformuar sistemin dhe shumë shpejt do të realizohet i plotë premtimi për shëndetësinë falas.
“Ne jemi votuar për shëndetësinë falas. Sot vetëm 2 vjet e gjysëm, shqiptarët mund të bëjnë analizat falas, dhe shqiptarët e kanë mjekun e fmailjes falas. Të dyja këto deri dje bëheshin me pagesë. Natyrisht do të shkojmë edhe te spitali falas, por gjërat bëhen hap pas hapi dhe vit pas viti”, tha Rama.
Ai u ndal edhe tek akuzat për nivelin e kriminalitetit, teksa tha se sot Policia e Shtetit është në krye të detyrës. Sipas Ramës, ka ende shumë për të bërë, por kjo mazhorancë po bën shtet. Ndaj sipas tij kjo është arsyeja pse anëtarë të rinj duhet ti bashkohen PS-së.
“Është e turpshme që pas çdo krimi që ndodh të çohesh dhe të baltosësh Policinë e Shtetit. Sot Policia e Shtetit është shëmbëlltyra e besimit të shumicës dërrmuese të shqiptarëve, se ka ende shumë për të bërë, por po bëhet shtet, se ka ende shumë për të bërë, por padyshim sot është më ndryshe se 2 vite e gjysëm më parë. Ndaj u themi hajdeni në Partinë Socialiste, se sot kjo forcë po bën shtet. S’ka asnjë sektor, nuk ka asnjë aspekt që ne nuk kemi ndërmarrë reforma që nuk janë ndërmarrë 20 e kusur vite. Bëhuni pjesë e PS se hapja e PS nuk është ripërtëritje që thotë duam të rinj në moshë, por do të zgjerojmë pasqyrën sociale të të gjitha organizatave. Ku do të ketë vend për të gjitha grupet e interesit, për çdo komunitet dhe për çdo kënd”, vijoi Rama.
Më tej Rama tha se gjatë kësaj periudhe, qeveria e majtë ka bërë me legalizimet atë që nuk e bëri në 2 mandate qeveria e shkuar.
“Në vetëm 1 vit e gjysëm, 1 vite e gjysëm sepse 1 vit na u desh të gjenim letrat e Shabanit, kemi bërë 42 mijë legalizime. Dhe ato u bënë vetëm për një arsye, kjo nuk quhet Edi Rama, Vangjush Dako apo emrat me radhë, por quhet partia Socialiste e Shqipërisë, dhe falë faktit që vota shkoi te ky emër, sot janë 42 mijë familje që gëzojnë shtëpinë e tyre”, tha kreu i mazhorancës.
