Statuja e ish diktatorit sovjektik Josef Stalin mund të dallohet prej disa ditësh brenda viles qeveritare në zonën e ish bllokut. Pak më tutje edhe ajo e Leninit.
Ekspozimi i tyre në një nga zonat më të populluara të kryeqytetit dhe brenda një godine diplomatike ka shaktuar reagime. Por sipas Ministrisë së Kulturës të dy skulpturat janë pjesë e fondit të Galerisë Kombëtare të Arteve, e cila aktualisht po rikonstruktohet.
Në një përgjigje zyrtare për Tv Klan, ministria shton se nga kjo lindi nevoja për zhvendosjen e veprave ne mjediset e vilës qeveritare me qëllim ruajtjen e tyre.
Ministria e Kulturës: “Këto vepra, për shkak edhe të përmasave që kanë janë vendosur në këtë hapësirë, që mundëson edhe sigurinë e tyre. Këto vepra do të qëndrojnë në këto ambiente për një periudhë 3-vjeçare, aq sa zgjat edhe rikonstruksioni i godinës së GKA-së”.
/a.r
