Partia Demokratike ka paraqitur një amendament në Kuvend për organet e Vettingut. Anëtarët e djathtë dolën kundër vendimit të Komisionit të Ligjeve për shkurtimin e numrit të punonjësve të Vettingut dhe uljen e pagave të tyre.
Në lidhje me këtë, Grupi Parlamentar i PD me kryetar Edmond Spahon i drejtohet Kuvendit me një amendament, në të cilin thuhet se ligji i siguron institucioneve të rivlerësimit personelin e nevojshëm për të përmbushur detyrat.
Për pasojë, thuhet më tej në amendament, Kuvendi është i detyruar nga ligji të sigurojë stafin e nevojshëm për organet e rivlerësimit, duke e konsideruar numrin e personelit të propozuar prej tij si numër minimal të nevojshëm.
Pas mbledhjes se konferences se kryetareve që zgjati rreth 40 minuta, kryetari i grupit parlamentar të Partisë Demokratike, Edmond Spaho ka shtruar edhe një herë kërkesat e PD.
“Kërkojmë plotësimin e kërkesave tona. Duhet të shqyrtohet kërkesa për referendumin për mbetjet. Ne do të paraqesim amendamente për organet e Vetting-ut. Gjithashtu kërkojmë të mos ketë shkurtim të stafit dhe pagave,” tha Spaho.
a.ç
(Amendamenti i PD për organet e Vettingut)
