“S’pyesim për vapën”/ Strazimiri: Më 7 korrik sheshi do jetë plot. Bardhi e Alibeaj kanë damkosur veten duke qenë bashkëpunëtorë të qeverisë

Anëtari i kryesisë sa PD, Gent Strazimiri, ka treguar detaje në lidhje me organizimin e protestës së 7 korrikut, ku tha se takimet kanë qenë intensive dhe se sipas tij kjo protestë është shumëpritur nga qytetarët.

Në një intervistë për Ora News, me gazetarin Arnold Kariqi, Strazimiri tha se me 7 Korrik sheshi i Tiranës do të jetë plotë.

Temperaturat e nxehta, janë gjithmonë më të ulëta sesa nxehtësia që të jep varfëria. Sali Berisha është drejtuesi i opozitës, nuk është  diçka për t’u provuar për herë të parë. Berisha thotë dhe e bën. Kjo shoqëri ka pasur jashtëzakonisht të mira, si në kuptimin e politikës së madhe ashtu dhe në ekonominë e vogël familjare në drejtimin e Sali Berishës. Berisha është një njeri që mban fjalën, është  njeri patriot që e do këtë vend dhe unë besoj se vetëm këtu nuk ka dyshim. Besimi te PD dhe te opozita e drejtuar nga Berisha nuk vihet në pyetje.

I pyetur në lidhje me refuzimin e Gazment Bardhit dhe Enkelejd Alibeajt, për të marrë në protestë Strazimiri tha se nuk ka asnjë arsye për  të mos qenë në krahë të qytetarëve.
Në

Gent Strazimiri: Unë mendoj se kushdo që refuzon të jetë krah demokratëve, veçabërisht ata që do të duhej të ishin në drejtim të betejës së tyre për të çliruar këtë vend që tashmë është në rrezik. Mendoj se e ka damkosur veten të bashkëpunëtorit të Edi Ramës dhe të kësaj qeverie. Mendoj se nuk ka asnjë arsye të mos bashkohesh me cilindo prej qytetarëve shqiptarë, veçanërisht me demokratët  shqiptarë.

Ai foli edhe për amnistinë fiskale duke thënë se me këtë draft ligj po dhunon biznesin.

Gent Strazimiri: Është një qeveri që po dhunon biznesin me këtë të ashtquajtur amnistia fiskale, ku paranë  e pistë tenton ta fus legalisht në ekonomi./m.j