Kompania farmaceutike italo-zvicerane Adienne Pharma & Biotech me qendër në Zvicër do të prodhojë vaksinën e koronavirusit të ri (COVID-19) Sputnik V të Rusisë në Itali.
Mediat vendase bëjnë me dije se kjo është marrëveshja e parë evropiane që pritet që të nisë me prodhimin e vaksinës ruse në një vend tjetër.
Ndër të tjera bëhet me dije se kompania do të prodhojë vaksinën në Lombardi dhe në Italinë Qendrore , dhe pritet që nga korriku i 2021 deri në janar të 2022 të prodhojë 10 milion doza.
Agjencia italiane e lajmeve Adnkronos tha se kompania dhe Fondi rus i Investimeve të Drejtpërdrejta (RDIF) kanë nënshkruar një marrëveshje në këtë drejtim.
Lajmin e ka konfirmuar faqja zyrtare e vaksinës Sputnik V në Twitter dhe kjo shënon marrëveshjen e parë evropiane të prodhimit me vaksinën ruse.
Bloomberg: A Swiss biopharmaceutical company will produce Russia’s Sputnik V Covid-19 vaccine at its Italian facilities.
👇https://t.co/e1gfMqOlKe— Sputnik V (@sputnikvaccine) March 9, 2021
Ndërkohë Agjencia Evropiane e Barnave (EMA), rregullatori i barnave i Bashkimit Evropian (BE), më 4 mars njoftoi se kanë filluar shqyrtimin e vaksinës Sputnik V.
g.kosovari
