Policia e Beratit ka finalizuar me sukses operacionin e koduar “Spring 2016”, ku si rezultat i të cilit u bë arrestimi në flagrancë i shtetasve: Eldison Dyli, 34 vjeç, banues në fshatin Drenovicë, Berat si dhe M.D, 16 vjeç, banues në fshatin Drenovisë, Berat.
Policia sqaron se arrestimi i shtetasve të mësipërm u bë pasi në aksin rrugorë Fier-Berat, në vendin e quajtur “Qafa e Sqeurit”, u kapën me automjetin tip “Ford Fokus” me targa AA 677 CE, duke transportuar me qëllim shitje një sasi prej 6 kg lëndë narkotike marijuanë.
Në cilësinë e provave materiale u sekuestruan:
6 kg lëndë narkotike marijuanë, një automjet si dhe 2 aparate celular
Materialet i kaluan Prokurorisë pranë Gjykatës së Shkallës së Parë Vlorë, Seksioni për të Mitur, për veprën penale “Prodhimi dhe shitja e narkotikëve“ kryer në bashkëpunim, parashikuar nga neni 283/2 i Kodit Penal.
