Sportisti nga Zelanda e Re, Jason Lee, ka njoftuar se është “kidnapuar” të shtunën nga persona të armatosur me uniforma të policisë dhe është detyruar të tërheqë para nga dy bankomate të ndryshme për të paguar për lirimin e tij.
Lee jeton në Rio de Janeiro dhe merret me sportin luftarak ju-jitsu.
Sportisti 27-vjeçar, që nuk do të garojë në Lojërat Olimpike në Rio de Janeiro në gusht, pasi ju-jitsu nuk është sport olimpik, ka rrëfyer për incidentin e tij në “Tëitter”, raporton ESPN.
“Çfarë keni qenë duke bërë dje? Unë u kidnapova para Lojërave Olimpike!”, ka shkruar ai.
Lee ka dhjetë muaj që jeton në Rio de Janeiro të Brazilit, transmeton Koha Ditore.
Në një intervistë për mediumet e Zelandës së Re ai ka shpjeguar më detajisht incidentin që ka ndodhur, që dukej fillimisht si një kontroll rutinor trafiku nga dy policë në motoçikleta. (b.an)
