Policia e Korçës nisi procedimin penal për një 29-vjeçar, i cili akuzohet nga kushërira e tij se ka kryer marrëdhënie seksuale me dhunë.
Bëhet fjalë për shtetasin L.L, 29 vjeç, banues në Korçë. Procedimi i tij filloi, pas kallëzimit të bërë nga një 17-vjeçare, nga Korça, identiteti i të cilës nuk bëhet ende i ditur. Në dëshminë e saj në polici, vajza pohoi se në muajin dhjetor të vitit 2015, ka kryer marrëdhënie seksuale pa dëshirën e saj, me shtetasin L.L, që ka lidhje gjaku dhe ka mbetur shtatzënë.
Materialet i kaluan Prokurorisë të Rrethit Gjyqësor Korçë, për veprën penale “Marrëdhënie seksuale ose homoseksuale me persona në gjini ose nën kujdestari”.
