Andrea Dimushi, funksionar i lartë i Shërbimit Informativ në vitet ’90, në një intervistë me gazetën Dita, ka treguar pseudonimet e disa prek spiunëve të Sigurimit të Shtetit, të cilët sot janë në politikë.
Ai përmend Sali Berishën, që sipas tij mbante psuedonimin “Penicilina”, Ridvan Boden, Jemin Gjanën, Jozefina Topallin, por edhe disa personazhe të tjerë si Artan Hoxha, madje dhe Artur Zheji.
“Një djalkë pe Rakicke (fshat kufitar në Korçë) na e sollën në Librazhd pas mbarimit të shkollës e më pas u bë i madh në PD! Është Ridvan Bode… Nga fukara kooperative, tani vetëm makina i bën mbi 70.000 euro! Nuk do flisja për të, nëse nuk do drejtonte një fushatë të ardhshme e do i thotë demokratëve se kur PD do vijë në pushtet do qeverisë me duar të pastra… më mirë se në kohën e “Sudes”? Zot na ruaj! Po i bie drejt o Ridvani i Rakickës… Ke qenë bashkëpunëtor i Sigurimit? Je i pasur o kolegu im spiun? O “Korçar”. A vazhdon ta këndosh atë këngën e dikurshme “o moj “korçar-re”, sa e bukur je?”. Si nuk na ke treguar njëherë si erdhe në Tiranë e për çfarë kontribuove në demokraci që u bëre nr. 2 i PD-së?
Do tjetër? Më ka marrë malli të takoj një mikun tim të vjetër ish-deputet në Pogradec, që dhe ky flitet se do drejtojë fushatën e ardhshme të PD-së. Ka qenë dhe ministër, por kur e njoh unë ka qenë i ri… “I Vogël” dmth. Kur je “i vogël” edhe të falet apo jo. Të kam falur, madje nuk doja as ta zija në gojë as emrin, o Jemin”, shprehet ai.
“Kolegen Jozefinë. Ka kaq vite as pohon, as mohon bashkëpunimin. Përveçse bën biografi, zonjë, përgjigju njerëzve që të kanë zgjedhur. Kolegia ime e dashur “Dizenjatore”! Ishe fare e varfër dikur, je në majë aktualisht për pasuri”, vijon më tej Dimushi.
“Po i përkthejmë në emra konkretë që ta dinë të gjithë se PD ka qenë dhe është e mbushur me “kolegë”. Ka të drejtë Arben Duka kur thotë që PD-në e ka krijuar Sigurimi i Shtetit. Në politikë janë dhe dy “fukarenj”… Preç Zogaj që është pastruar me vendim gjykate, si dhe ai që për pak na u bë president i republikës, Artan Hoxha… Nuk ka nevojë të përmend pseudonimet e tyre, pasi i dinë të gjithë. Por, ndalova për këta të dy për të bërë një shpjegim, pasi ata sot na hiqen si viktima…
Ja psh, Artur Zheji a është përgjigjur ndonjëherë si “Bozhur”, për çfarë është angazhuar si koleg i Sigurimit të Shtetit?”, e mbyll ai.
Dita/d.i.
