Spitali Rajonal “Dr. Sami Haxhibeqiri” në Mitrovicë mbase është i vetmi në Kosovë që nuk ka aparat për diagnostikimin e sëmundjes së kancerit të gjirit. Mamografi, i cili ekziston në këtë institucion shëndetësor, ka me vjet që është prishur dhe është jashtë funksionit. Gratë e prekura nga kanceri i gjirit të komunave Mitrovicë e Skenderaj detyrohen të shkojnë në Prishtinë dhe në qendrat tjera për t’i marrë shërbimet, ndërkohë që Ministria e Shëndetësisë e Republikës së Kosovës nuk ka ndërmarrë asnjë masë dhe nuk është përkujdesur as për rregullimin e mamografit ekzistues, ndërsa për ta blerë një aparat tjetër të ri as që është diskutuar ndonjëherë.
Në mars të vitit 2013, organizata “Mundësia” duke parë problemet me të cilat po ballafaqoheshin femrat e Mitrovicës, në veçanti ato të zonave rurale, pati filluar fushatën për grumbullimin e mjeteve për blerjen e një mamografi për Spitalin Rajonal..
