Presidenti amerikan Donald Trump shkarkoi gjeneralin e lartë amerikan vetëm pak çaste përpara se sekretari i tij i mbrojtjes, Pete Hegseth të shkarkonte shefin e Marinës së SHBA dhe zëvendësshefin e Forcave Ajrore.
Trump njoftoi se po shkarkonte Kryetarin e Shefit të Shtabit të Përbashkët Charles Brown dhe do ta zëvendësonte me gjeneralin e Forcave Ajrore John Dan, i cili ka dale ne pension. Trump e quajti Brown një “zotëri të mirë” dhe një “udhëheqës të shquar”, ndërsa la të kuptohet edhe për të tjera shkarkime. “Më në fund, unë kam urdhëruar gjithashtu Sekretarin e Mbrojtjes Pete Hegseth që të kërkojë nominime për pesë pozicione të tjera të nivelit të lartë, të cilat do të shpallen së shpejti”, shkroi Trump në platformën e tij “Truth Social”.
Disa minuta më vonë, Pete Hegseth lëshoi një deklaratë duke njoftuar se kishte shkarkuar admiralin Lisa Franchetti, shefin e Marinës. Gjithashtu Hegseth kishte shkarkuar edhe gjeneralin James Slife, zëvendës shefi i Forcave Ajrore dhe po kërkonte emra të rinj për Gjyqtarët e Përgjithshëm të Avokatëve për Ushtrinë, Marinën dhe Forcën Ajrore, duke ua bërë të qartë se të gjithë drejtuesit në këto pozicione të zëvendësoheshin.
