Një vit më parë, më 25 prill 2020 shqiptarët votuan në zgjedhjet parlamentare, në të cilat Partia Socialiste mori mandatin e 3. Për avokatin Spartak Ngjela, ndonëse një pjesë e premtimeve të Partisë Socialiste janë realizuar, kjo nuk është reflektuar në zhvillim. Avokati Spartak Ngjela u shpreh se Partia Socialiste nuk ka optikë të saktë për tregun dhe zhvillimin ekonomik.
“Ka realizuar premtimet, por a e ka futur Shqipërinë në zhvillim?Ato që ka thënë ndoshta i ka realizuar më shumë se gjysmat, por nuk ka optikë të saktë për tregun dhe zhvillimin ekonomik. Është një e metë që ka Shqipëria sot”, tha Ngjela.
Dhe për këtë, avokati Spartak Ngjela fajëson opozitën.Ai deklaroi se në vend nuk ka opozitë, por sipas tij kemi vetëm një parti.
“Sa herë s’ka opozitë nuk ka zhvillim, sepse mazhoranca bie në apati. Ai është kryetari i PartisëSocialiste Edi Rama, kemi një defekt madh se sot kemi vetë një parti. Partia tjetër është në krizë drejt shpërbërjes, prej Saliut, kuptohet. Por ai e ka në favor. Fakti që e ka në favor dhe Shqipëria ka këtë opozitë këtyre u heq impenjimin”, tha avokati.
Ndërkohë, teksa ka folur për zgjedhjet e 25 prillit të vitit 2020 analisti Ben Andoni, tha se populli ka kujtesë të shkurtër, nuk kërkon llogari, ndërsa politika nga ana e saj e zhvendos vëmendjen me qëllim. Ai tha, se politika ka dështuar në premtimet e saj.
“25 prilli është harruar akuzat e Bashës kanë kaluar, nuk i kujton më asnjëri dhe tregon papjekurinë e politikës tonë që nuk i ndjekin kauzat. Politika shqiptare ka treguar që është larg emancipimit të plotë. Politika ka dështuar në premtimet e saj. Por shqetësimi i madh është që publikut nuk i bën përshtypje dhe nga ana tjetër Politika gjen kurajë që të vazhdojë të premtojë njësoj dhe ta çoji publikun në kanale kur po e manipulon mendjen e tyre. Shqetësimi më i madh është për të dy palët që ta zhvendosin vëmendjen e publikut drejt gjërave, për zgjedhjen e presidentit që nuk përbën ndonjë gjë interesante për publikun”, tha Andoni.
/a.r
