Plot 28 gola ofruan tetë ndeshjet e sotme në Champions League, ku spikatin disa rezultate interesante. Atletico Madrid përsëriti rezultatin e gjysmëfinales së sezonit të kaluar, teksa fitoi 1-0 me Bayern. Të dyja skuadrat patën raste në pjesën e dytë dhe spanjollët mund ta kishin mbyllur takimin, por Griezman goditi shtyllën nga pika e penalltisë.
Edhe dueli tjetër gjermano-spanjoll u mbyll me fitoren e këtyre të fundit, teksa Barcelona përmbysi shifrat e fitoi 2-1 me Borussia M’gladbach.
Fitore 4-2 e Napolit kundër Benfikës, pasi arriti të kryesonte me katër gola diferencë. Gjashtë gola edhe në Glasgow, ku Manchester City u frenua në barazimin 3-3 nga Celtic. Paris SG fiton 3-1 me Ludogorets, ndërsa Arsenali mund 2-0 Baselin, me dy gola nga Walcott.
d.i.
