Një ditë para sfidës Shqipëri-Spanjë që do të luhet nesër në mbrëmje në stadiumin “Loro Boriçi”, trajneri spanjoll thotë se do të luajnë për të fituar. Në një konferencë për shtyp, trajneri Julen Lopetegui u shpreh se skuadra e tij nuk ndihet nën presion.
Madje ai tha se “nuk kemi frikë nga asnjë ekip në grupin tonë”, duke shprehur kështu edhe mendimin e tij sa i përket barazimit me Italinë.
“Nesër do të dalim në fushë për të fituar ndeshjen. Nuk kemi frikë nga asnjë ekip në grupin tonë. Pavarësisht barazimit me Italinë, mund të them se nuk jemi nën presion”, tha trajneri spanjoll, Julen Lopetegui raporton BW. Ndërkohë spanjollët zhvilluan stërvitjen e fundit në stadiumin “Loro Boriçi” para sfidës së nesërme që do të mbahet në atë stadium./a.m.
