Në kuadër të një operacioni të përbashkët mes Policisë së Beratit, SPAK-ut, BKH-së dhe Prokurorisë lokale, që nisi pas një letërporosie nga autoritetet belge, janë ushtruar kontrolle në katër ambiente të ndryshme në qytetin e Beratit.
Si rezultat i këtyre kontrolleve, u arrestua në flagrancë shtetasi me iniciale H. V., 33 vjeç, banues në lagjen “28 Nëntori”.
Gjatë kontrollit në banesën e tij, policia gjeti dhe sekuestroi një kartë identiteti dhe një leje drejtimi automjeti të dyshuara si të falsifikuara, një pajisje elektroshoku dhe disa fishekë arme gjahu.
Operacioni u zhvillua në kuadër të hetimeve për veprimtari kriminale me përmasa ndërkombëtare dhe është pjesë e bashkëpunimit të ngushtë me autoritetet belge.
