Ambasadori i Bashkimit Evropian në Tiranë, Silvio Gonzato, ka zhvilluar një takim me gjyqtarët e Gjykatës Kushtetuese, ku theksoi rëndësinë e këtij institucioni për garantimin e të drejtave kushtetuese në Shqipëri.
Gjithashtu ambasadori Gonzato theksoi se Gjykata Kushtetuese ka një rol të rëndësishëm në procesin e negociatave për anëtarësimin e Shqipërisë në BE, veçanërisht përsa i përket plotësimit të kërkesave të kapitullit 23, i cili lidhet me sundimin e ligjit dhe të drejtat e njeriut.
“Sot bëra një vizitë në Gjykatën Kushtetuese në shenjë mbështetjeje të BE-së për institucionet e pavarura të drejtësisë në Shqipëri. Jo vetëm që Gjykata është garantuesi i Kushtetutës dhe instanca më e lartë në vend për të mbrojtur të drejtat individuale kushtetuese; gjithashtu ka një rol të rëndësishëm për të luajtur gjatë negociatave dhe në përmbushjen e kërkesave të kapitullit 23, i cili është kyç për anëtarësimin e Shqipërisë,” shkruan Gonzato.
Ky takim vjen pak dite pas raportimeve ne media se SPAK ka pergjuar anetaret e Gjykates Kushtetuese.
