Struktura e Posaçme Kundër Korrupsionit dhe Krimit të Organizuar (SPAK) është zyrtarisht me 11 anëtarë pasi ka kaluar me sukses Vettingun prokurorja Doloreza Musabelliu. Kjjo e fundit ishte pjesë e listës fituese të 15 kandidatëve për SPAK, por duke qenë se nuk e kishte përfunduar ende procesin e rivlerësimit nuk ishte bërë pjesë e këtij insitucioni.
Institucioni i Komisionerëve Publikë nuk e ka ankimuar vendimin e dhënë në KPK, duke qenë se ndaj saj nuk ka pasur dyshime në asnjë nga shtyllat e rivlerësimit, që janë pasuria, pastërtia e figurës dhe aftësitë profesionale.
“Në zbatim të dispozitave të nenit 179/b, pika 5, të Kushtetutës, nenit C, pika 2, nenit F, pika 2, të aneksit të Kushtetutës, nenit 63 të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, dhe nenit 15 të rregullores së Institucionit të Komisionerëve Publikë, pas shqyrtimit të vendimit nr. 217, datë 5.12.2019, të Komisionit të Pavarur të Kualifikimit, për subjektin e rivlerësimit znj. Doloreza Musabelliu, Institucioni i Komisionerëve Publikë njofton se nuk është ushtruar ankim pranë Kolegjit të Posaçëm të Apelimit.”, thuhet në njoftim.
g.kosovari
