SPAK ktheu në Dibër “Dosjen 184”/ Reagon Bardhi: Drejtuesi i SPAK ka varrosur hetimin

Sekretari i Përgjithshëm i Partisë Demokratike, Gazment Bardhi ka reaguar pas mospranimit të SPAK për të shqyrtuar dhe hetuar dosjen “184” të Dibrës. Bardhi shprehet se vendimi i marrë nga kreu i SPAK, Arben Kraja, të cilin e quajti hetues të komunzimit, është politik dhe kundër interesave të Shqipërisë.

“Vendimi i hetuesit të komunzimit, Arben Kraja për të mos lejuar SPAK-un të hetojë Edi Ramën, Damian Gjiknurin, Pjerin Ndreun apo Ulsi Manjën për vjedhjen e zgjedhjeve në Dibër është vendim politik dhe kundër interesave të Shqipërisë. Hetimi i dosjeve ku janë përfshirë zyrtarë të lartë, siç është kryeministri dhe disa deputetë të PS është detyrë ekskluzive e SPAK-ut“, u shpreh Bardhi.

Sipas tij kjo detyrë ishte ekskluzive për SPAK, ndërsa thekson me kthimin e dosjes në Dibër, Kraja ka varrosur hetimin e një krimi të dokumentuar zgjedhor, i cili është kusht i Bundestagut gjerman për hapjen e negociatave.

“Prokuroria e Posaçme u ngrit për t’i dhënë fund pandëshkueshmrisë së politikanëve dhe zyrtarëve të lartë, por akti i sotëm i shërbëtorit të Edi Ramës në krye të SPAK-ut godet çdo pritshmëri se Arben Kraja mund të sillej ndryshe nga Donika Prela, përsa kohë padroni i tyre është në krye të qeverisë.

Duke ridërguar dosjen 184 në Dibër, drejtuesi i SPAK, praktikisht, ka varrosur hetimin e një krimi të dokumentuar zgjedhor, i cili është kusht i Bundestagut gjerman për hapjen e negociatave të anëtarësimit të Shqipërisë në Bashkimin Europian“, tha Bardhi.

Më terj ai shton se “Arben Kraja ka detyrim të japë sot sqarime publike pse i mohoi SPAK-ut mundësinë e hetimit të Edi Ramës dhe shpurës së tij për vjedhjen e zgjedhjeve në Dibër”.

g.kosovari