Teksa Neymar i vërtetë është rikthyer në dispozicion të trajnerit Tite pas dëmtimit të pësuar në ndeshjen hapëse të Kupës së Botës, sozia e tij po përgatitet të largohet nga Katari, pas një qëndrimi të shkurtër dhe të trazuar aty.
Ylli i Paris Saint Germain është rikuperuar nga problemi i kyçit të këmbës. Eigon Oliveira, i cili e quan veten “alter egoja” e Neymar, po largohet nga vendi pasi ka krijuar probleme me paraqitjet e tij publike.
Në të vërtetë, pas zbarkimit në Katar javët e fundit, ai ka tërhequr vëmendjen e fansave, fotografëve dhe shikuesve, ndërsa shfaqet në vende publike, si dyqane dhe stadiume, duke imituar yllin brazilian.
Madje, Neymar i rremë arriti të futej fshehurazi në një ndeshje të Brazilit, duke shkaktuar kaos te tifozët që bërtisnin për autografe dhe foto. Disa lojtarë brazilianë, në fushë para ndeshjes, ngritën sytë për të parë se çfarë po ndodhte.
Sigurimi, me gjetjen e tij, e ka shoqëruar. Oliveira tha se planifikon të kthehet në Katar për gjysmëfinalet, nëse Brazili avancon.
/a.r
