Kryetari i Bashkisë Shkodër Benet Beci i ka premtuar Vllaznisë një shumë prej 15 milionë lekësh të reja në rast se fiton ndeshjen me Partizanin dhe shpallet kampione. Përmes një postimi në rrjetet sociale, Beci thekson se emocionet kuqeblu rikthehen sot, teksa Vllaznia përballet me Partizanin në një tjetër finale vendimtare të kampionatit, dhe fton qytetarët të mbështesin ekipin.
“Kam propozuar një premio të veçantë prej 15 milion lek të reja për Vllazninë në rast të shpalljes kampione, si një mbështetje konkrete për të bërë realitet ëndrrën që pret i gjithë qyteti.
Emocionet kuqeblu rikthehen sot dhe sytë e gjithë Shkodrës janë te djemtë tanë.
Sot Vllaznia përballet me Partizanin në një tjetër finale shumë të rëndësishme në këto javë vendimtare të kampionatit. Një ndeshje që vlen shumë dhe që na bashkon të gjithëve në mbështetje të skuadrës së qytetit tonë.
Forca djem! E gjithë Shkodra është me ju!”, shkruan Beci.
