Nga Nishi, ish-futbollisti i Kombëtares Redi Jupi ka folur për ndeshjen që po e presin të gjithë, përballjen me Serbinë.
I pyetur nga gazetari Ilir Demalija, Redi Jupi tregoi se atmosfera atje është e qetë, ndërsa kjo ndeshje sipas tij, mund të realizojë ëndrrën e shqiptarëve.
Jupi tregoi se nga bisedat e bëra me serbët e thjeshtë, ata mendojnë se dueli mund të dalë barazim, ose mund të fitojë Shqipëria.
“Nuk ka pasur vonesa dhe shqetësime. Unë në Tiranë kam dhënë intervistë me mediat serbe poshtë shtëpisë. Ata kanë kaluar pa asnjë vonesë, ne na kanë mbajtur qëllimisht me justifikimet e këtyre me vogëlsirat e tyre. Po të kishte ndalime, aty bëhet ankesa në FIFA e UEFA edhe kanë sankisone shumë të forta pastaj, por shyqyr Zotit nuk ka ndodhur kjo. Atmosfera këtu është shumë e qetë, është një nga qendrat e Serbisë së madhe, kështu që nuk ka probleme.
Shpresojmë që edhe në stadium të jetë e njëjtë atmosfera, e pamë edhe dje që atmosfera ishte e qetë. Në këtë aspekt unë mendoj që kjo atmosferë neve na favorizon. Ata nuk po e presin ndeshjen ashtu sikurse po e presim ne, edhe me diskutimet që patëm me njerëz të thjeshtë, na thanë që do dalim barazim, madje mund të fitoni edhe ju. Shpresoj shumë që të na shërbejë kjo atmosferë, është një ndeshje shumë e rëndësishme në interesat tona. Është e rëndësishme se ne në Europian kemi shkuar dy herë në botëror nuk kemi shkuar edhe kjo ndeshje mund të na çojë atje, një ndeshje që realizojnë ëndrrën e çdo shqiptar.
Po nuk shkove në vendin dytë nuk e pretojnë me, por të kalosh pendesën e parë. Ne me barazimin jemi të mbaruar na duhet fitorja.
Neve vetëm fitoja na mban në lojë. Shanse kemi duke marrë parasysh se si ka luajtur Serbia atje me problematikat që ka, nëse ne luajmë me inteligjencë edhe me kurajo edhe durim kemi armën që t’i vëmë në vështirësi. Broja është një element i rëndësishëm, është lojtar që e bën repartin vetë, pra mund të bëjë gjëra edhe vetë. Manaj, Bajrami, kanë nevojë edhe për suportin e ekipit. Shpresoj të ketë fitore dhe një ndeshje emocionale“, u shpreh Jupi.
