Sot thuajse gjysma e Tiranës do të vuajë mungesën e ujit të pijshëm. Ky fakt është bërë i ditur nga Ujësjellës Kanalizimet Tiranë e cila në një komunikatë për mediat thekson se një pjesë e mirë e zonave kryesore të kryeqytetit do të vuajë furnizimin me ujë të pijshëm.
Sipas UKT-së kjo vjen për shkak të ndërprerjes së energjisë elektrike që është parashikuar nga OST, dhe për pasojë do të dalë jashtë pune stacioni i pompimit në Qafë Mollë.
“UKT njofton banoret e Tiranes se gjate 24 oreve ne vijim do te kete kufizime te gjata te furnizimit me uje ne disa zona te kryeqytetit. Shkak per kete eshte nderprerja e energjise elektrike qe eshte parashikuar te behet nga OST dhe per pasoje do te dale jashte pune stacioni i pompimit ne Qafe Molle qe eshte burimi kryesor i furnizimit me uje teTiranes. Zonat qe perballen me kufizime te furnizimit me uje jane: Qendra e Tiranes, Komuna e Parisit, Blloku i vilave amerikane, Ambasadat amerikane, italiane, franceze, zona e rruges tre Vellezerit Kondi, Spitali i Sanatoriumit, zona e Shkozes, zona e Saukut, qyteti Studenti, zona e Tiranes se Re, zona e ish Bllokut, birra Tirana, rruga 3 Deshmoret ne Yzberisht, Kodra e Priftit, Qesaraka, vilat rezidenciale Dajt, blloku i godinave shteterore ne Bulevardin Skenderbej, Rruga e Elbasanit. Situata do te normalizohet pas rikthimit te energjise elektrike ne stacionin e Qafe Molles nga ana e OST. Ju faleminderit per mirekuptimin.” thuhet në deklaratën e UKT-së
