Sot është afati i fundit për dekretimin e Sandër Lleshit dhe Ilir Meta nuk ka më asnjë alibi në favor të tij. Presidenti duhet të vendosë sot nëse do e dekretojë ose jo Sandër Lleshin për ministër të Brendshëm. Të premten e javës që lamë pas kryeministri i dërgoi sërish emrin e Sandër Lleshit presidentit dhe afati shtatë ditor i përcaktuar në Kushtetutë skadon sot.
Në fillim të kësaj jave Meta i dërgoi një shkresë me 14 pyetje Ministrisë së Mbrojtjes, duke kërkuar sqarime për karrierën e Lleshit, ndersa mesohet se ministria e ka kopsitur dosjen për gjeneralin. Mesohet se i është kthyer përgjigje presidenti, duke i dorëzuar atij të gjitha informacionet e kërkuara.
Ndërkohe edhe vetë Sandër Lleshi deklaroi se heq dorë nga karriera ushtarake dhe nga grada gjeneral. Tashmë Meta nuk ka asnjë mundësi të dredhoje, pasi pyetjet e tij kane marre pergjigje shteruese
Tani topi është në anën e Presidentit, i cili sot deri në mbrëmje duhet të vendosë nëse Lleshi do bëhet ministër, apo do hapë një front lufte me qeverinë. Mosdekretimi, eshte ftese e hapur per lufte.
Reagimi i Metës mbrëmë
Ditën e djeshme për këtë çështje ka reagur vetë Presidenti Ilir Meta , teksa ka dhënë sinjale se sot mund ta dekretojë zotin Sandër Lleshi si ministër të Brendshëm. Gjatë një interviste për mediat, Meta deklaroi se po shkëmben informacione me institucionet përgjegjëse.
“Nuk kam marrë asnjë vendim. Vendimi im është që po bashkëpunojmë. Po vazhdojmë këtë proces me Ministrinë e Mbrojtjes, e cila është ministrja përgjegjëse për këtë çështje”, tha ndër të tjera Presidenti Meta. Po ashtu, Meta dha sqarime edhe pse e refuzoi kandidaturën e Lleshit heren e pare.
“Faktin “që nuk kisha krijuar bindjen e plotë do të thotë bindjet bazohen në bazë të Kushtetutës. Kushtetuta jonë është sipas modelit italian, kur Presidenti ka kompetenca. Nuk është siç e mendojnë disa që e lidhin me Kushtetutën e disa vendeve të tjera, ku Presidenti ka vetëm rol ceremonial”, deklaroi ai.
a.ç
