Teksa sot shënohen 10 vite nga vrasjet shtetërore në bulevardin ‘Dëshmorët e Kombit’, Ilir Meta ka zgjedhur të takojë Avokaten e Popullit.
Jo për ngjarjen në fjalë, as për hetimet që nuk e zbardhën kurrë krimin shtetëror, por për pronat në bregdetin e jugut.
Presidenca njofton se Meta me kërkesën e tij, priti sot në një takim Avokatin e Popullit, Erinda Ballanca.
I shqetësuar, Meta i bëri me dije Avokates së Popullit peticionin nga banorët e Radhimës, Orikumit, Tragjasit dhe Dukatit, për rehabilitimit e rrugës Vlorë-Orikum, pasi ata pretendojnë se u janë shkelur të drejtat dhe nuk u është trajtuar prona si duhet.
Në një njoftim nga Presidenca, mësohet se kreu i shtetit ka theksuar se “nëse Qeveria dhe pushteti vendor, shmangin respektimin e të drejtave të qytetarëve, është detyra e institucioneve të pavarura dhe e Gjykatës, të kryejnë vlerësimin e çdo pretendimi sipas fushave të tyre të përgjegjësisë”.
Lidhur me projektin e rrugës Vlorë-Orikum, Ilir Meta është përplasur me Kryeministri Edi Rama, pasi ky i fundit e ka akuzuar se ka bllokuar vijimin e projektit.
/a.r
