Sonte në mbrëmje, në orën 21:00, luhet një finale e parakohshme e Euro 2020, Belgjikë-Portugali. Bëhet fjalë për dy skuadra pjesë e pesë vendeve të para në renditjen botërore.
Do të jetë sfidë edhe mes lojtarëve më të mirë që kanë 2 dy skuadrat. Tek belgët deri më tani janë veçuar Lukaku dhe De Bruyne. Lukaku konsiderohet si një ndër më të mirët në këtë edicion të europianit. Ai ka shënuar 3 gola në 3 ndeshjet e para.
Nga ana tjetër është Portugalia. Trajneri Fernando Santos ka me probleme dy mbrojtës Nelson Semedo e Nuno Mendes, por gjithashtu edhe mesfushorin Danilo Pereira. Cristiano Ronaldo shënoi dy herë në portën hungareze në sfidën e parë, për të merituar edhe çmimin ylli i ndeshjes. Në takimin e dytë Portugalia u dominua në mënyrë të habitshme nga Gjermania.
Në ndeshjen e fundit të Grupit F portugezët zhvilluan një pjesë të parë shumë të mirë. Dy golat e shënuar nga Cristiano Ronaldo e ngjitën CR7 në krye të listës së golashënuesve, me 5 gola, për ta barazuar kështu futbollistin legjendar portugez me iranianin Ali Daei. Ronaldo në misionin e arritjes së rekordit historik të golashënuesit më të mirë në arenën ndërkombëtare.
Në finalet e turneve madhorë kontinentalë apo botërorë, kjo është herë e parë që këto dy skuadra përballen me njëra tjetrën. Portugezët nuk kanë humbur në 5 ndeshjet e fundit Njëra prej të dyjave do të eliminohet mbrëmjen e sotme. Kush do të ecë më shumë drejt finales, Ronaldo apo Lukaku? Do të mësohet pas ndeshjes që nis në orën 21. Më herët në 18 Holanda do të luajë me Çekinë në Puskas Arena.
/a.r
