Televizioni Report TV në bashkëpunim me Institutin Italian GPF Inspiring Research, sjell sondazhin e dytë mbi situatën politike në vend dhe pritshmërinë për zgjedhjet vendore të qershorit. Si janë përgjigjur shqiptarët për ofertën e kryeministrit Rama bërë opozitës për reformën zgjedhore dhe zgjedhjet e 30 qershorit? Çfarë mendojnë shqiptarët për strategjinë e opozitës për të vazhduar protestat? Si do të votonin sot shqiptarët për zgjedhjet vendore dhe cila do të ishte vota e tyre nëse do të duhej të shkohej në zgjedhje të parakoshme?
Gjithashtu nje tjeter ceshtje pjese e ketij sondazhi lidhet dhe me qasjen qe kane votuesit nese opozita do te bojkotonte zgjedhjet e 30 qershorit? Edhe në sondazhin e dytë i ftuar special do të jetë Roberto Baldassarri, ish president i Institutit Piepoli dhe aktualisht President i GPF Inspiring Research. Figura e njohur për publikun shqiptar pasi në 2013 dhe 2017 Roberto Baldassarri parashikoi rezultate të sakta të zgjedhjeve politike në Shqipëri. Në studio me gazetarin Denis Minga janë analistë dhe eksperte te fushes.
Gara për Tiranën, sondazhi në Report Tv: PS kryeson me 63-67%, 24-28% votojnë PD-në
Partia Socialiste do të ruante bashkinë e Tiranës nëse zgjedhjet lokale do të zhvilloheshin sot. Sipas sondazhit, 63-67% do të votonin PS-në dhe Erion Veliajn që është konfirmuar që do të rikandidojë, ndërsa PD-në do të votonin vetëm 24-28% dhe LSI-në 6-8%. Në krahasim me sondazhin e një muaji më parë PS-ja një rënie të lehtë me 1%, dhe PD-ja rritje me 4%.
Gara për Shkodrën, sondazhi në Report Tv: Kryeson PD-ja 41-45%, PS-ja 38-42%
Nëse zgjedhjet lokale do të bëheshin sot, PS-ja do të merrte 38-42%, PD-ja 41-45%, LSI-ja 5-7% dhe PDIU-ja 2-4%. Në krahasim me një muaj më parë, PS-ja ka pësuar rënie, ndërsa PD-ja rritje. Aktualisht bashkia drejtohet nga Voltana Ademi e zgjedhur nga PD-ja.
Gara për Kukësin, sondazhi në Report Tv: PS-ja kryeson me 47-51%, PD-ja 44-48%
Në Kukës Partia Socialiste do të fitonte zgjedhjet lokale nëse do të zhvilloheshin sot. 47-51% kanë votuar PS-në, 44-48% PD-në, që drejton aktualisht bashkinë me Bashkim Shehun. LSI-ja ka një rënie krahasim me një muaj më parë 2.5-4.5%. Për partinë Socialiste në 30 qershor do të kandidojë Safet Gjici.Gara për Lezhën, sondazhi në Report Tv: PS-ja kryeson me 47-51%, PD-ja 36-40%
Në Lezhë ku për partinë Socialiste do të kandidojë Pjerin Ndreu nëse zgjedhjet do të zhvilloheshin sot, socialistët do të merrnin 47-51%, PD-ja 36-40% dhe LSI-ja 7-9%.
Gara për Vlorën, sondazhi në Report Tv: 62-66% votojnë PS-në, PD-ja 21-25%
Nëse zgjedhjet do të bëheshin sot në Vlorë, PS-ja do të fitonte me 62-66%, ndërsa PD-ja 21-25%, LSI-ja 4.5-6.5% dhe PDIU-ja 3-5%. Në këtë bashki Partia Socialiste ka konfirmuar rikandidimin e Dritan Lelit. Në krahasim me nje muaj me pare, PS-ja ka nje ulje te lehte dhe PD-ja rritje.
Gara për Gjirokastrën, sondazhi në Report Tv: 46-50% votojnë PS-në, 29-33% PD-në
Bashkia Gjirokastër do të votonte 46-50% Partinë Socialiste nëse zgjedhjet do të bëheshin sot, ndërsa 29-33% PD-në dhe vetëm 15-19% LSI-në. Aktualisht kjo bashki drejtohet nga Zamira Rami e zgjedhur nga radhët e LSI-së. Në krahasim me një muaj më parë PS-ja ka shënuar rritje edhe në këtë bashki.
Gara për Korçën, sondazhi në Report Tv: 57-61% për PS-në, PD-ja 24-28%
Në Korçë PS ka konfirmuar rikandidimin e Sotiraq Filos në zgjedhjet e 30 qershorit, ndërsa nëse do të votohej sot do të merrte 57-61%, PD-ja 24-28%, LSI-ja 9-13% dhe PDIU-ja 0-2%. Edhe në këtë bashki në krahasim me një muaj më parë, PS ka rritje.
Gara për Beratin, sondazhi në Report Tv: 57-61% votojnë PS-në, 22-26% PD-në
Në Berat PS-ja do të merrte 57-61% të votave duke shënuar rritje në krahasim me një muaj më parë nese do te votohej sot, ndërsa PD-ja 22-26% dhe 10.5%-14.5%.
Gara për Dibrën, sondazhi në Report Tv: 35-39% votojnë PD-në, 27-31% PS-në
Në Dibër nëse do të votohej sot, 35-39% do të votonin PD-në, 27-31% PS-në, 12-16% LSI-në dhe 16.5-20.5% PDIU-në. Në krahasim me një muaj më parë, PD-ja ka rritje, ndërsa PS-ja ulje
Gara për Durrësin, sondazhi në Report Tv: 49-53% votojnë PS, 25-29% PD (Shifrat)
Nëse zgjedhjet lokale do të bëheshin sot, në Durrës 49-53% e qytetarëve do të votonin për PS-në, ndërsa 25-29% PD, 10-14% LSI-në, 4-6% PDIU-në
Gara për Fierin, sondazhi në Report Tv: 57-61% votojnë PS, 22-26% PD (Shifrat e plota)
Në bashkinë e Fierit, nëse sot do të zhvilloheshin zgjedhjet, kandidati i PS-së, Armando Subashi do të merrte 57-61%. Opozita nuk ka nxjerrë asnjë kandidat deri tani. Megjithatë 22-26% votojnë PD-në, 8.5%-12.5% LSI-në, 3-5% PDIU-në. Nga muaji i parë, PS-ja ka shënuar një rritje në sondazh.
Gara për Elbasanin, sondazhi në Report Tv: 46-50% votojnë PS, 21-25% PD (Shifrat e plota)
Nëse zgjedhjet lokale do të zhvilloheshin sot, 46-50% do të votonin kandidatin e PS-së, 21-25% të PD-së, 10-14% të LSI-së, 12-16% të PDIU-së. Partia Socialiste ka vendosur si kandidat për Elbasanin Gledian Llatjan, ndërsa nga opozita ende nuk ka një vendim nëse do të marrë pjesë në zgjedhje. Brenda një muaji PS-ja një rritje të konsiderueshme në Elbasan.
