Dy shqiptarë, 35 dhe 37 vjeç janë arrestuar nga karabinierët në Arrezo, nën akuzën e vjedhjes në qendrat e lojërave të fatit.
Ata hynin në mjedise të tilla sikur ishin klientë, duke porositur pije dhe më pas u ofroheshin makinerive të lojërave fatit.
Me kujdes, ata luanin disa lojëra dhe pikasnin se si lidheshin ato, duke përzgjedhur në këtë mënyrë makinat që duhet të vidhnin.
Më pas, caktohej ora e goditjes.
Në ditën e caktuar për vjedhje, sigurisht gjatë natës, dyshja e shqiptarëve hapnin dyert me leva të posaçme.
Në vetëm pak minuta, ata shkonin pranë makinerive që kishin piketuar duke prerë lidhjet me rrjetin.
Më pas, i ngarkonin në makina të vjedhura, duke u zhdukur nëpër natë.
Me qetësi, larg nga vendi i ngjarjes, i zbraznin ato dhe i braktisën në vende të izoluara.
Makineritë u gjetën ndonjëherë edhe pas disa ditësh.
g.kosovari
