Nga Eduard Zaloshnja
Nisur nga intervista e kryeministrit Rama për televizionin grek “Mega” ku u prekën dhe çështjet etnike analisti Eduard Zaloshnja ka publikuar disa shifra lidhur numrin e qytetarëve me etni greke në Shqipëri.
Sipas të dhënave të publikuara nga Zaloshnja se rreth 31 mijë banorë të rritur i përkasin etnisë greke në Shqipëri.
“Duke u bazuar në numrin aktual të banorëve të rritur të Shqipërisë, marrë nga statistikat që publikon CIA për çdo vend të botës ( https://www.cia.gov/library/publications/the-world-factbook/geos/al.html ), mund të ekstrapolohet se rreth 31 mijë banorë të rritur i përkasin etinsë greke në Shqipëri.
Në Censusin e zhvilluar më 2011, rezultuan 0,9% banorë të vetëdeklaruar si të etnisë greke. Por ndërkohë, rreth 15.5% refuzuan t’i përgjigjeshin pyetjes së etinsë, pas thirrjeve për bojkot të kësaj pyetje nga Aleanca Kuqezi dhe Kisha Ortodokse.”, ka shkruar Zaloshnja./Jo.Be/Fjala.al
Analiza e plotë e Eduard Zaloshnjas:
Gjatë një interviste në televizionin grek MEGA TV, Kryeministri Rama përmendi faktin se “kemi edhe grekë që jetojnë në vendin tonë, shumë vite tani”. Gazetari Giannis Moutsos ndërhyri: “Ka pretendime … se nuk u lejohet të vetë-identifikohen”.
Për të saktësuar dy thëniet e mësipërme na vjen në ndihmë një sondazh mbi sigurinë kombëtare, që zhvillova për fondacionin gjerman Friedrich-Ebert-Stiftung (http://library.fes.de/pdf-files/bueros/albanien/16038.pdf). Në atë sondazh, i cili u zhvillua me intervista të drejtpërdrejta face-to-face me 1115 banorë të rritur, të shpërndarë në mënyrë përjestomore në të gjithë territorin e vendit (nga Konispoli në Vermosh), të anketurarit u pyetën të vetë-deklaronin etninë që i përkisnin. Dhe ja si u përgjigjën ata:
Cilës etnie i përkisni?
Shqiptare 97.7%
Greke 1.4%
Arumune 0.5%
Maqedonase 0.1%
Tjetër 0.5%
Duke u bazuar në numrin aktual të banorëve të rritur të Shqipërisë, marrë nga statistikat që publikon CIA për çdo vend të botës ( https://ëëë.cia.gov/library/publications/the-ëorld-factbook/geos/al.html ), mund të ekstrapolohet se rreth 31 mijë banorë të rritur i përkasin etisë greke në Shqipëri.
Në Censusin e zhvilluar më 2011, rezultuan 0,9% banorë të vetëdeklaruar si të etnisë greke. Por ndërkohë, rreth 15.5% refuzuan t’i përgjigjeshin pyetjes së etinsë, pas thirrjeve për bojkot të kësaj pyetje nga Aleanca Kuqezi dhe Kisha Ortodokse.
