Ole Gunnar Solskjaer është trajneri i ri i Manchester United. Ish-futbollisti legjendar i “Djajve të kuq” do të drejtojë United deri në fund të këtij sezoni duke zëvendësuar Jose Mourinho, të shkarkuar gjatë ditës së djeshme. Për drejtuesit e Manchester United Solskjaer do të bashkojë lojtarët dhe tifozët.
45-vjeçari ka drejtuar Molde në kampionatin norvegjez dhe do të rikthehet sërish në fund të sezonit kur të mbarojë misionin e tij tek United. Ole Gunnar Solskjaer ka shënuar 126 gola në 366 ndeshje me Manchesterin në 11 sezone që ka luajtur në “Old TRaford”.
“Manchester United është në zemrën time dhe jam shumë i lumtur që do të rikthehem në këtë rol të ri. Jam duke parë përpara që të punoj me këtë skuadër të talentuar me stafin dhe me këdo në klub” ka deklaruar Solskjaer./a.meta
